Бос блог

Најпосле да најдам време да го средам блогот. Ај нека ми е честито

Пред два месеца требаше на направам брошуричка за фирмата. Дома и на работа нормално немам Виндоус па следствено на тоа ни Quark XPress и Photoshop. Значи требаше да користам Gimp и Scribus. Малку се плашев дали ќе може со овие апликации да се добие квалитет доволен за печатење, ама на крајот се изненадив од крајниот резултат. Од печатницата исто немаа никакви замерки. Си реков, браво бе мајсторе и за ова те бивало

Вчера налетав на одлична статија на Linux Magazine баш на оваа тема, „Како да направите весник со Scibus“. Статијата е поделена во три дела „Основен вовед“, „Позиционирање на објекти и текст“ и „Подготовка за печатење“. Камо среќа да налетав на ова порано, многу работи ми се разјаснија и би сменил милион детали ама касно е. Како и да е читајте, ќе ви се најде.

Ги ставив преводите на Гимп на сајтот, бидејќи незнам дали се веќе избилдани во официјалните верзии (Гимп има некоја забегана шема на имплементација на преводите). Симнете си ги, за 2.0 и 2.2 Најнови преводи на гимп тука. За да ви проработат преводите, .po датотеките треба да ги компајлирате со командата „msgfmt -o datoteka.mo datoteka.po“ и добиените .мо датотеки да ги именувате како: gimp20.mo gimp20-std-plug-ins.mo gimp20-script-fu.mo gimp20-libgimp.mo Нормално, истите треба га ги ставите во /usr/share/locale/mk/LC_MESSAGES За „gimp-tips“ уште не сум нашол како треба да се викаат, ама може и без нив.

Налетав на еден руски сајт со еден куп книги за Линукс, Јуникс, БСД, Соларис… Навали народе

На BBC има интервју со англискиот кракер Дејвид Мек Кинон, за тоа како влегол во системите на Пентагон, НАСА, Министерството за Одбрана на САД, тражејќи докази за НЛО. Им влегол преку Виндоуз машините кога нашол администраторски акаунти без лозинка Видел слики од вонземски вселенски летала, вонземјани пилоти, ексел табела со список на вонземјански пилоти, видел како се бришат НЛО-ата од сателитски снимки… И што е уште посмешно, гледал дека во исто време кракеруваат и други (со netstat?!) од разни земји, Кина, Северна Кореја, Турција, Германија… Ама типот бил многу самоуверен па оставал слики на десктоп, пораки до администраторите па го фатиле дома додека играл игрици на компјутерот цела ноќ Сега му се заканува екстрадиција во САД, и затвор од 70 години! Машала. Интервуто во realaudio формат е достапно само оваа недела.

И сејте мирни, неко меџу нама није наш

Тука има стрип со Ричард Сталман, Ерик Рејмонд и Линус Торвалдс во главните улоги. Стрипот излегува неделно, сите живеат во еден стан, не се преоблекуваат, живеат без жени (Сталман нема жена оти сите го сакаат Рејмонд) . Се на се, многу смешен стрип ако знаете за што се работи, ако не ич не ни почнувајте да читате.

Налетав на статија за оверклокување на nVidia графичките картици под Линукс. Треба да ги имате драјверите на nVidia минимум 1.0-7664 на нагоре. Накратко: - во /etc/X11/xorg.conf во секцијата „Device“ додадете ја следнава опција: Option “Coolbits” “1″ - потоа од конзола подигнете ја nvidia-settings програмата и ќе видите нова опција „Clock Frequencies“ (која без горната опција ја нема). Овозможете го оверклокувањето и одете на опцијата „Auto Detect“ која ќе ги открие максималните сигурни фреквенции. Можете да останете на нив или да одите уште погоре, зависи од вас. Картицата е ваша, ризикот е ваш!

Направив merge на преводот од 1.3 во 1.5 на WordPress. Нешто допреведов, останаа уште околу 100-тина стринга за преведување. На кој му треба нека земе да го допреведе. Преводот се компајлира и крстете го mk_MK.mo , ставете го во папка wp-includes/languages и во config.php дефинирајте го јазикот со: define (’WPLANG’, ‘mk’); Толку.

Одлична Java апликација за проверка кој директориум (датотека) ви зафаќа највеќе простор на дискот, за наоѓање на датотеки или директориуми кои со години сте заборавиле дека постојат, а ви голтаат огромен простор на дискот. Јас барем најдов папки кои со години непотребно ми стоеле во /home, со 100 и повеќе мегабајти. Апликацијата кога се стартува првпат ви дава опција да го скенирате целиот диск или да отворите претходно зачувана анализа. Кога ќе заврши тоа се стартува прозорец со детална статистика во вид на пити, линијски дијаграми и табели со големина на пооделни директориуми, тип на фајлови коа зафаќаат најмногу простор, последна дата на промена (до 10 години)… Апликацијата доаѓа како zip архива, отпакувајте ја некаде (пр. /usr/share/jdiskreport), влезете во него и едноставно извршете ја командата: java -jar jdiskreport-1.2.2.jar Може и да се направи извршна скрипта да не морате секојпат да ја давате оваа команда. Само напишете: echo “java -jar /pat/do/jdiskreport-1.2.2.jar” >/usr/bin/jdiskreport . Потоа chmod a+rx /usr/bin/jdeskreport и готово. Мора да го имате инсталирано j2re пакетот (јас морав и j2sdk, без него не се стартуваше). Работи на Windows, Mac OSX и нормално Linux.

Реклама оставена над писоарите во машкото WC на LinuxWorld конференцијата во Сан Франциско. Се згазив од смеење Фирмата е MailFrontier, која изработува антиспам софтвер. Браос!

Инсталирав пред една недела Џенту, и имам да кажам само едно: ШОКИРАН СУМ!!! Огромна брзина, перфектна стабилност, лесна конфигурација, инсталација на пакети ала Дебијан… Не сум знаел шо машина имам Инсталацијата ќе завршеше за еден саат, ако не бев закоравен КДЕ-даш. Пошто Џенту доаѓа со комплет ГНОМ, а КДЕ морав да ги симнувам со emerge сите главни пакети па да ги компајлирам, завршив за нецели два дена! И официјално влегов во друштвото на мазохисти Ама се исплати, и шо е најважно никогаш веќе нема да морам да го инсталирам пошто ажурирањето оди како подмачкано. На мојот AMD Athlon 1800+, со 256МБ меморија, со графичка GeForce FX 5200 со 128МБ, Џенту се подига за 20 секунди, Опенофис за 12 секунди, UnrealTournament на резолуција од 1027х768 оди како подмачкан, Дум3 исто ама на 800х600… Сите апликации работат како подмачкани, досега ниедна не ми заглавила. Се што требаше дополнително да се направи беше да се инсталира HAL демонот за автоматско препознавање и монтирање на уреди (USB стикови, камери…) и ivman за да се појавуват автоматски икони од уредите во КДЕ (ако го компајлирате kdebase со подршка за HAL, ivman не ви треба). Мал совет: за да можете да ги одмонтирате како обичен корисник USB уредите направете датотека /usb/share/hal/fdi/95userpolicy/bilo_kako.fdi и ставете го ова внатре. Ако сте на дајлап, а сакате Џенту со КДЕ, симнете си ги главните пакети кај некој другар со ADSL од некој мирор на Генту (kdebase, kdenetwork, kdeadmin…), снимете го второто ЦД некаде на хард дискот, ставете ги КДЕ пакетите што ги симнавте во папката kde на ЦД-то и потоа дајте му патека до таму со: export PKGDIR=/pat/do/direktoriumot и потоа само „emerge –usepkg kde“ и се ќе се инсталира автоматски. Ќе ви бара можеби некои дополнителни пакети, ама тие се занемарливо мали (инсталирајте си пред тоа wget ќе ви треба). Ај да видеме сеа кој има му.. нека проба

Според оваа и оваа вест, денес треба да се појави Google IM, наречен GoogleTalk. Треба да го користи jabber протоколот, што е одлична вест. Јас успеав да се логирам со Gaim преку Jabber протоколот користејќи ја мојата сметка и лозинка од Gmail. Jabber серверот е talk.google.com Ако ова испадне вистина, ќе бидам еден од првите што го користиле ова

Многу добра статија која е дел од книгата „Hacking Firefox: More Then 150 Hacks, Mods and customizations“ за хакување на Фајрфокс, за извлекување на максимум од прелистувачот во зависност од јачината на процесорот и количината на меморијата. Проверено работи!

Како прво запишете се на мејлинг листата dev@mk.openoffice.org тука. Второ, симнете си ги .ро датотеките од тука. Трето, симнете си го и глосарито од тука. Четврто направете си translation database во kbabel од .ро датотеките и глосарито. Петто, кажете што ќе преведувате на гореспоменатата листа и почнете со превод. Кога ќе завршите преводите ми ги праќате мене. ВАЖНО!!! Пазете што правите со оние тагови во преводите, оние <, //, мораат да бидат исти со оригиналот, оти после се расипува целото билдање на ОО, па тие морат да ми праќат грешки, јас да ги поправам по 2-3 саата… со еден збор така се кочи работата. Happy translating!

Вчера си купив Pionеer DVD-RW (морав, не ми дадоа награда на маратонот) плус 512МВ меморија, така да сеа имам вкупно 768МВ. Ај нека ми е честито! Плус задвчера ставив и аквариум, така да сеа нема излегување од дома следните две недели. Абе идила!

Гледам скоро сите ставија слики од маратонот, па викам дај и јас да не сум кусо. Галеријата е овде.

Google направи нова алатка за скенирање на сајтови, за откривање на слаби точки подложни на напади. Се вика Scoogle. Си го скенирав блогот и се е ок. Wordpress завршиле одлична работа.

Викам време е да ставам слики од моето стадо Направив најтесен избор од стотиците слики. Уживајте

Вчера ставив MG2 на мојот блог, па морав да го преведам. Одлична php апликација за креирање на албуми! На кој му треба преводот, нека го симне од тука. Ставете го во папката „lang“ и изберете „Macedonian“ од администраторското мени.

Конечно една rpm базирана дистрибуција доби перфектен управувач со пакети. Мандрива по спојувањето со Конектива, се здоби со одлична технологија за инсталација и ажурирање на пакети Smart. Само ова нешто ми фалеше во Мандривата, па да кажам дека е убедливо најдобра десктоп Линукс дистрибуција. Убунту сега може вода да му носи! Smart по функционалноста е во ист ранг со apt-get, а изгледот му е многу сличен со Synapsis од Убунту. При првото стартување ми прикажа околу 12.000 нови пакети, сега сум обезбеден до крајот на животот